Lovsong

Djupt i hjarta ber vi song,
ein takk til Gud, vår Far.
Han trufast er i naud og trong,
Han evig er og var.

Vi lovsyng vår Frelsar og prisar Hans namn,
for Han vil vi syngje ut.
Han leider oss sikkert og trygt i hamn,
vår store og mektige Gud!

Kallet fekk vi til å gå
med bod om liv og fred.
Vår Frelsar måtte alle sjå
og bøye hjartans kne!

Han kastar all synd i det djupaste hav
for kvar som vil tru Guds Son.
Vi syng om vår Frelsar som liv oss gav,
og kveikte ei levande von!

Takk, vår Gud, at vi får gå
og bere bod om deg!
Ha takk vi får ved vegskil stå
og syne andre veg!

Du gav oss ein tone av Himmelens song,
ein song som til hjarto går.
Takk Gud, at du gav oss den hjartetrong
å lovsyngje Frelsaren vår!